حلم العراقي

حلم العراقي

نحلم يصير الوطن جنه و حدايق ورد .... نار الحرب تنتهي و الراح ابد ما يرد

نريد البقه من العمر ملينه طعم الصبر .... ندور على هل وطن مثل لمضيع ولد



اطفانا تشوف النور النسو شكله و لونه ... عدهم عمر مثل الناس من حقهم يعيشونه

خضرو بين القنابل حصدو حصاد السنابل ... ابسط حلم الكل طفل ان يحلم تخلونه




و من القهر و من الحزن ترتاح امي شويه ... تحلم بيت الله تروح يصيحوله الحجيه

تدعيلنه من الصبح ربي لا تخلي جرح ... ربي الهي ربي لا تخلي
جرح





يرتاح ابويه من التعب و الحيره ... تشوفه سمره يا ما ضحه الغيره

خلص حياته صبر ليل و يتاني الفجر ... صح والدي هده التعب بس روحه مثل الطيره




نحلم يصير الوطن جنه و حدايق ورد .... نار الحرب تنتهي و الراح ابد ما يرد

نريد البقه من العمر ملينه طعم الصبر .... ندور على هل وطن مثل لمضيع ولد





احلم انام بدفو لا قنبله و لا رعب ...بكلمه حياة و امل نبدله كلمه حرب

و من الشرق للغرب اخوان كرد و عرب... و انبدل الخارطه نرسمها صوره قلب




نسافر انشوف الناس نعلم و نتعلم ... سنينا اللي مضت ماشفنه غير الهم

نحفر ولو بالصخر نخلي الحجر عالحجر .... و لمتنه ويه الاهل شدة ورد من نلتم





و الطيب يرجع عند اهلنه و ناسنه... و نشيل كلشي مو حلو من راسنه

و نعيش كلنه سوه مثل الشجر و الهوه ...من جازي بالنار الي على الخد باسنه





نحلم يصير الوطن جنه و حدايق ورد .... نار الحرب تنتهي و الراح ابد ما يرد

نريد البقه من العمر ملينه طعم الصبر .... ندور على هل وطن مثل لمضيع ولد







يرجع الهاذا الوطن كلمن هاجر العاف اهله و ناسه و طر سافر... شتاقوله اهله و ناسه و يطيب جرح احساسه

كل شي يتصلح الأ كسر الخاطر






ترجع طيور الخافت من الدخان ... و الورد يزهي بكل حديقه و بستان

هو ر و جبل و الوادي يغنون لجل بلادي ...ما يختلف انسان عن اي انسان





و انه و حبيبه عمري نحلم حلمين بيت على كد الحال يجمع قلبين ... اطفال عدنه يصيرون مامنين ابد ميخافون

نعيش بسعاده بين اهلنه الطيبين






نحلم يصير الوطن جنه و حدايق ورد .... نار الحرب تنتهي و الراح ابد ما يرد

نريد البقه من العمر ملينه طعم الصبر .... ندور على هل وطن مثل لمضيع ولد





مو كافي مو كافي شفنه من العذاب احنه اشكال ... انريد السواتر و الحواجز تنشال

الشته يداعب صيفنه بحريه نحجي بكيفنه ... احنه بشر دم و لحم مو تمثال





من ريد قائد عسكري نريد انسان ... حساس يحب الجميع و فنان

يحب كل فقير بهل وطن ....يجمعنه اذا جار الزمن
يجمعنه و بلا تفرقه نعيش خوان






ماريد المتهمه دموعي و اليلعب بعصابي ... و الي جاي يدمر بيتي ماريد يدك بابي


تفرج مهما ضاقت بيه ماريد المابي حنيه ... يا عالم في هذا العالم ماكو اغله من ترابي


ليش انه من دون العالم متأذي من اصحابي ...

لا لا .. لا لا لا ... ماكو اغله من اترابي





نحلم يصير الوطن جنه و حدايق ورد .... نار الحرب تنتهي و الراح ابد ما يرد

نريد البقه من العمر ملينه طعم الصبر .... ندور على هل وطن مثل لمضيع ولد


شعر / صباح الهلالي

الحان / علي صابر
_________________

سها و ملوك مشكورين أحبتي على ردكم العسل على قلبي والله

tslm 7abiby malook 3la rdk al-yameel

مشكوووووور اخي على ردك تسلم